十年回歸看煙花 (02/7/07)

有位漂亮迷人的女性朋友，大家都稱她為「靚女」，她在中環國金二期的著名瑞士銀行工作．多年來一直暗戀在投資部的男同事．他除了高薪厚職外，還長得好似明星吳彥祖般高大英俊，更有「中環吳彥祖」的美譽．在公元2007年6月中，「靚女」終於情不自禁向「中環吳彥祖」表白，可惜「彥祖」說只當她是好兄弟．原因他已經有了心上人．
但世事好邪，在公元2007年6月29日深夜，「彥祖」忽然主動約「靚女」單獨在七一回歸紀念日去長洲旅行，他告訴她，長洲可以看煙花．故事就在長洲的夜晚發生了，「彥祖」居然對「靚女」說，他原來也有一點點喜歡她，而且輕吻了她一下，之後「彥祖」雙手非常活躍地在她身軀移動，彷如女朋友般看待她．最終「靚女」與他發生了超乎同事之間又令其他男同事妒忌的關係，十年回歸的一刻，大家終於明白長洲真係可以看見煙花！
今天「靚女」打電話俾小弟哭訴昨夜發生的事，她說好後悔，為何要與他單獨去長洲，為何明知他有女朋友，但是都冇拒絕他．「靚女」覺得自己好蠢，更認為是自己犯賤．小弟不知對她說什麼，唯有說：「昨夜去長洲看煙花的人特別多！」
－－－－－－
讀者回應：
Eddy Lau - 2 July, 2007
我不明白這個女人後悔甚麼！ 她已經享用了這個男人的肉體，又不需要負女朋友該負的責任，她可以埋怨甚麼。
不過，現代的女人永遠會裝做是男女關係的受害者，這是女人狡滑的一面。

ToM 少 - 2 July, 2007
劉公子, 雖然平時D人話小弟好低級，但係作為她的朋友，當佢失落的時候，安慰佢一下，係好合理的．以免佢聽日返到公司對住「中環吳彥祖」做出傻事！咁就唔係太吉利啦！

Tony - 5 July, 2007
ToM 少:

「靚女」要用引號，係咪講反話？靚女有冇睇你呢個扑架？

渣估

ToM 少 - 5 July, 2007
渣估先生，你好．
如果「靚女」知道小弟在此公開講佢D私人感情生活，佢一定唔會放過小弟．我冇乜野驚，最驚佢用好狠毒的「撩陰腿」突擊我細佬．
為了保著細佬條命，小弟必須要隱藏「靚女」其真正既身份．從客觀角度來說，「靚女」有點似年輕時的朱茵，你話佢得唔得先？

zhu xiao - 7 July, 2007
Eddy 嘅睇法我同意頭一半。我都唔明呢位靚女喊乜鬼啫，你情我願架嘛，咁大個人又唔係有人揾鎗指住你嘅，開心完先後悔，咁唔啱規矩囉。傻嘅！至於 Eddy 最後果兩句就偏激左啲，其實呢啲都係好常見嘅人性黎嘅，反正靚女自己都認左啦，犯賤嘛，關人鬼事咩。