昨晚八點前，提早收工，事關約了兩位靚女舊同事去銅鑼灣食晚餐．冇見兩位女同事一段時間，以前的黃毛丫頭，搖身一變，現今已成為金融界的天之嬌女，家陣真係又靚身材又Fit．兩位有時尚品味的中環麗人深知我這個大鄉里對美食的見識淺陋，特登帶小弟去一間「日式西餐廳」共享晚餐．呢間日式西餐廳叫UCC Vienna Cafe，位於銅鑼灣 禮頓道33-35號地下．一套晚餐有：忌廉南瓜湯，自助沙律，一杯飲品再加一碟蛋包番茄汁帶子海鮮飯．好好味呀！雖然在場有幾位女侍應都青春貌美．但相比之下，當然都不及兩位舊女同事嗦啦！皆因味覺和視覺同樣重要．蔡瀾話齋：「有靚女陪食飯，真係一樂也！」
沒有留言:
發佈留言